Recriwtio ar gyfer Nyrsys Iechyd Meddwl ac Anableddau Dysgu a Chynorthwywyr Gofal Iechyd

Nyrsio yn BIPBC

Caiff ein Nyrsys eu hannog i weithredu fel ymarferwyr annibynnol, gan reoli eu llwyth achosion fel rhan o dîm amlddisgyblaethol. Mae’n bosibl y bydd yr Uwch Adran hon yn addas os ydych yn mwynhau amrywiaeth a gweithio mewn amgylchedd prysur, gyda llawer o le i dyfu a datblygu. Darllenwch isod am rai o fanteision dewis Uwch Adran Iechyd Meddwl ac Anableddau Dysgu BIPBC ar gyfer y cam nesaf yn eich gyrfa nyrsio.

• • Mae cyfleoedd i nyrsys ymgymryd â hyfforddiant rhagnodi, gan gefnogi rhagor o ymarfer a arweinir gan nyrsys.

• • Mae Cymru wedi cadw bwrsari’r GIG ar gyfer nyrsys, bydwragedd a gweithwyr proffesiynol perthynol i iechyd dan hyfforddiant. Mae’r pecyn cymorth hwn yn anfon neges glir o ran y graddau y caiff y gweithlu gofal iechyd yng Nghymru ei werthfawrogi.

• • Mae sawl sefydliad addysg uwch yng Nghymru sydd wedi’u cymeradwyo i ddarparu hyfforddiant cyn ac ar ôl cofrestru. Drwy ddewis hyfforddi yng Nghymru, gallwch gael profiad ymhob maes nyrsio.
    

• • Drwy weithio yng Nghymru, gallwch fanteisio ar amrywiaeth o drefniadau gweithio arloesol gyda’r nod o’ch helpu i sicrhau bod eich gwaith yn cyd-fynd â’ch bywyd. Mae’r rhain yn cynnwys oriau gwaith hyblyg, cynlluniau talebau gofal plant a mentrau cydbwysedd gwaith-bywyd.

• • Llwybr clir i ymarfer uwch. Mae gan Gymru fframwaith gyrfaoedd sy’n rhoi llwybr clir i chi i’r cymwysterau ôl-raddedig sydd eu hangen arnoch i ddatblygu eich gyrfa.

• • Mae gennym nifer o gyfleoedd ar gyfer y rhai sydd eisiau dychwelyd i ymarfer ar ôl gadael y proffesiwn i ddilyn pethau eraill neu sydd wedi gorfod cymryd amser i ffwrdd o’r gwaith. Mae cymorth gwych ar gael gennym yn ogystal â chyfleoedd gweithio hyblyg i gefnogi ein Nyrsys wrth iddynt ddychwelyd i ymarfer.

Datblygu Gyrfa ar gyfer Cynorthwywyr Gofal Iechyd

Gyda chyllid a chymorth addysgol gan Lywodraeth Cymru a’n partneriaid Addysg Bellach ac Uwch, rydym yn cynnig ystod o gymwysterau galwedigaethol ar gyfer ein gweithwyr gofal. Mae hyn yn golygu bod gennym lwybrau clir ar gyfer ein Cynorthwywyr Gofal Iechyd i wella yn eu gyrfaoedd. Mae gan ein Cynorthwywyr Gofal Iechyd pedwar prif lwybr datblygu sydd ar gael iddynt:

• Prentisiaeth Sylfaen mewn Gofal – galluogi’r rhai sydd heb weithio mewn gofal o’r blaen i gael profiad a chymwysterau proffesiynol i gryfhau eu sylfaen wybodaeth. 
• Baglor mewn Nyrsio – mae astudio rhan-amser yn galluogi i’n Cynorthwywyr Gofal Iechyd barhau i wneud y swyddi y maent yn eu caru wrth weithio tuag at yrfa mewn nyrsio. 
• Gradd Prifysgol Agored – mae’r dull hwn o astudio gartref yn galluogi hyd yn oed mwy o hyblygrwydd i’n Cynorthwywyr Gofal Iechyd barhau i weithio wrth ennill eu cymhwyster nyrsio. 
• Tystysgrif Lefel 4 ar gyfer Cynorthwyydd Gofal Iechyd Clinigol – galluogi cynorthwywyr Gofal Iechyd i ddatblygu yn y rôl y maent yn ei charu gyda’r cymwysterau achrededig i gefnogi eu profiad ac agor drysau i fwy o gyfrifoldeb a mwy o gydnabyddiaeth ariannol.

Bydd ein Cynorthwywyr Gofal Iechyd yn cael eu cefnogi’n llawn ar ba gam bynnag y maent yn eu gyrfa ond bydd ganddynt bob amser y cyfle i weithio gyda mwy o ymreolaeth, gyda’r cymorth a’r hyfforddiant cywir. Rydym yn cefnogi ein Cynorthwywyr Gofal Iechyd i ddatblygu o gymwysterau Lefel 2 i Lefel 4 ac rydym o hyd yn annog datblygiad proffesiynol.